OBUBAKA OBW’OKUSAASIRA OLW’OKUFIIRWA OMW. PAUL KYEGOMBE. ~ The Kingdom of Buganda

(THE KINGDOM OF BUGANDA) Okujjuliza: BAA/20/021 19 Kafuumulampawu, 2020 Oweek. Samuel Mwanje Kiggwe Omubaka wa Ssaabasajja Kabaka Essaza South East America (Atlanta, Georgia) ENSONGA: OBUBAKA OBW’OKUSAASIRA OLW’OKUFIIRWA OMW. PAUL KYEGOMBE. Nkulamusizza nnyo wamu n’okukwebaza emirimu gy’onna gyokola. Mpandiise mu butongole okutuusa okusaasira kwaffe eri banaffe naddala omutabani Solomon Kyegombe, ab’enganda n’abemikwaano olw’okuviibwako Omw. Paul Kyegombe nga 14 Apr, 2020, abadde abeera mu kitundu ky’okulembererako Ssaabasajja Kabaka.  Tusaasira nnyo ab’ebitundu bya Atlanta, Georgia, gyaweereza emirimu emingi egigata abantu ab’ebiti byona, abato, abakulu, abaludde mu kitundu weewawo n’ababeera baakatuuka.  Tusaasira aba tiimu ya Atlanta Cranes, mwabadde aweereza ng’omutendesi omukulu ekimu ku byeyolese nti abadde ayagala nnyo obumu mu bantu. Tujjukira bulungi nti Omugenzi Paul Kyegombe yakola nnyo mu nteekateeka za Buganda Bumu North American Convention (BBNAC) mu mwaka gwa 2017 eyali mu kibuga Atlanta, Georgia, era emirimu gye gyasiimibwa nnyo. Tubasaasidde nnyo mwena mu kiseera kino ekizibu era eky’okusoomooza kw’ekirwadde kya (Coronavirus, COVID 19). Ffenna tusigale nga tuwuliziganya okutuusa embeera bwenetereera okukungubaga mu butongole ku lw’omwagalwa waffe kubanga ky’amazima abadde asaana okusiibulwa mu kitiibwa olw’emirimu gyakoze ku lwa banna-Uganda n’abaganda mu kitundu ekyo. Twongera okubasabira Omukama abagumye mu kiseera kino ate n’Omwoyo gw’omugenzi, agulamuze kisa.  Gwatusinze nnyo Ayi Ssaabasajja Kabaka, Twakuumye bubi. Joseph Kawuki Minisita Omubeezi owa Gavumenti Ez’Ebitundu n’Okulambula kwa Kabaka era Avunaanyizibwa ku nsonga z’Abaganda Ebweru wa Buganda Kkopi: Katikkiro Ssaabawolereza wa Buganda era Minisita wa Gavumenti ez’Ebitundu Omukyuka w’Omubaka, Essaza South East America.

Osabibwa okujuliza ennamba (Reference number) eragiddwa waggulu Bulange, Mmengo, P.O. Box 7451, Kampala, Uganda. Tel: 0414 - 274738/9 Web: www.buganda.or.ug Email: info@buganda.or.ug